Vavaka (Ndrina Zopanage)

(Nalaina tao amin'ny tononkira.serasera.org)
Raha manoloana fefy avo
Mifikitra fa mitady ho lavo
Dia fantatro fa ao ny Tànanao Mahery
Handray sy hitantana ahy, hanome hery.

Raha toa hirodana izay naoriko
Ho very hatramin’ny fanahiko
Tsy hitarainako f'izany ny eto an-tany
Androany aho hifaly, rahampitso hitomany

Ny Fitiavanao,
Tsara Ianao,
No mahatonga ahy ho toa izao
Eo anilanao, Tompo ô

Raha sendra tafiotra ny sambo
Fefika efa ho anivon-drano
Aminao ihany no apetrako ny diako
Hamonjy tany maina, hamaly saina

Raha manilika ahy izao tontolo izao
Ho be ny mpankahala, mety hankalao
Dia vavaka Aminao no ataoko ampinga
Sanatria izay handringa

Tompo ô,
Ny Fitiavanao,
Tsara Ianao
No mahatonga ahy ho toa izao
Eo anilanao, Tompo ô
--------
Rohy:
Hametraka hevitra
Midira aloha
Momba ny hira
Mpihira : Ndrina Zopanage
Vangy : 2370
Mpankafy : 0 Ankafizo
Nampiditra : ikalamako
Daty : 25/05/2017 09:02
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0834