Miandry ny andro (Ndrina Zopanage)

Injay ety an'habakabaka
Fa manetoka ny foko
Vao nandao anao malalako
Ka ny tontolo miova loko

Rahom-potsy mitambolona
Lanitra manga mitatao
No isidinan'ity vorona
Mitondra ahy lavitra anao

Veloma, malahelo ny fandaozana
Lavitra anao

Nosy maro anivon-drano
Toa manakora anay ety ambony
Tsy mba tsapany fa androany
Ny foko tsy mba mety ho tony

Dia io lay tanànako eny
Tazako efa miandry ahy
Ny saiko sisa no manjehy
Andro hihaonantsika indray

Veloma, malahelo ny fandaozana
Lavitra anao.


R_N 2013
--------