FETINAO ANDROANY (Narisoa)

(Nalaina tao amin'ny tononkira.serasera.org)
Fetinao nandroany
Ho fahatsiarovana
Indramiko ny hira
Ho any aminao
Hisolo tena ahy
Mba hanoroka anao

Ka araho moramora
Izany hirako izany
Fa ho tsapanao ao
Ilay fitia tsy mety lany
Ka ny feoko izay manako
Nataoko hanafosafo anao
Ka ireo tononkirako
Nosoratako ho anao.

Fetinao androany
Ho fahatsiarovana
Indramiko ny hira
Ho any aminao
Ho solom-boninkazo
Izay atolotro anao

Tsy ho hadinoko amin’izany
Ny mivavaka ho anao
Mba ho feno fiadanana
Ilay tokatranonao
Ka ho tojo izay irina
Ho lavitra ny tsetra
Ary ho feno fifaliana
Ny androm-piainanao rehetra.

Fetinao androany
Ho fahatsiarovana
Indramiko ny hira
Ho any aminao
Hisolo tena ahy
Tsy afaka manoroka anao.
--------
Rohy:
Hametraka hevitra
Midira aloha
Momba ny hira
Mpihira : Narisoa
Vangy : 1929
Mpankafy : 0 Ankafizo
Nampiditra : l2arakotovelo
Daty : 02/03/2019 13:29
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.012