Tiako ianao kanefa ( -- Mbola tsy fantatra --)

(Nalaina tao amin'ny tononkira.serasera.org)
Tiako ianao
Tiako ianao?
Tiako ve ianao?
Tiako ianao kanefa

Tiako ianao kanefa
Toa voasembatsembana
Ilay fitia izay tiako omena
Sady tsy azoko terena

Voasembatsemban'ny fiainana
Samy manana ny làlany
Izaho sy ianao raha jerena
Tsy antenaina hifanena

Tiako ianao kanefa
Toa kely ny finoako
Satria ianao efa an'olon-kafa
Ianao efa manan-tompo

Meloka aho arak'izany
Raha mitia anao ihany
Ka tsy aleo ve foanana any
Ny fitiavako rahavako?

Raha fintinina,tiako ianao kanefa
Misy rindrim-bato manasaraka antsika
Ka manery ilay fitiavako
Manery azy mba hangatsiaka

Eny, tiako ianao
Tiako tena tiako
Ka raha ny faniriako
Dia ianao no ho vadiako
Indrisy anefa...
--------
Rohy:
Hametraka hevitra
Midira aloha
Momba ny hira
Mpihira : -- Mbola tsy fantatra --
Vangy : 2519
Mpankafy : 0 Ankafizo
Nampiditra : lah'fahtra
Daty : 12/03/2018 13:47
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0709