You are here: home > Tononkira > Mahaleo

Rafahafahana (Mahaleo)

Imprimer Facebook Facebook
Tiako, tiako
ary tena faniriako
raha ialahy no mba namana,
Mety handray ireto,
Ireto tanana

Indrisy, indrisy,
Toa mitady ny tsy misy
Fa ialahy, Rafahafahana
Toa mandà tsy mety,
Mety ho namana...

         Teto aho dia nipitrapitra,
         Sy nitsiriritra,
         Ny tsy natao ho ahy
         Nefa fitia tsy mety ritra,
         Mikiry sy maditra,
         Natokako an’ialahy.....

Indraindray, indraindray,
Variana aho mijery an’ialahy
Manantona, ireo zay tsy mitady,
Fa miavona anay,
Zay mandadilady....

Inona, inona,
No anaovan’ialahy ahy tsinontsinona,
Manavaka trano hidirana,
Sa ve ialahy mifidy,
Fihodirana.......

          Zahay ety,
          Mijinja ny mafaitra,
          Mitaty ny tsy laitra,
          Tsy afaka manoatra
          Iandrasana, hitondra takaitra,
          Zay ngTsiky dia ampyamba ialahy vao taitra,
          Sao dia mba tara loatra....

Potika, potika,
Fo sy saina rotidrotika,
Miantomboka ny faharavana
Ka eo ilay ry figadrana..

Foiko, foiko,
Raha ny foko no henoiko
Hanome ny Aiko,
Mba ho sorona,
Ka ny fanahiko hitovy
Amin’ny vorona......
      
          Aoka aho,
          Mba ho tompon-tsafidy,
          Mba tsy havela hihidy,
          Ty vavako miteny
          Ampy ho ahy izay,
          Nitondra mangidy,
          Tsy tiako ho tadidy,
          Reny rehetra ireny...
    
          F’izaho sy ialahy,
          Hamafy hafaliana,
          Hanome fanampiana,
          Ny mitovy amiko,
          Raha eo ialahy,
          Hiteny ireo nangiana
          FAHAFAHANA no iriana,
          Ho an’ny Taniko..........
                                
                      



          

Hametraka hevitra

Midira aloha

Mpihira : Mahaleo
Mpamaky : 11941
Nampidirin'i : Ramasomanana Rindra
Tamin'ny : 14/12/2001 12:03:14
ID : 416

Henoina (sombiny)

Sombiny ihany aloha no henonao eto fa azonao alahatra ao amin'ny RadioVazoGasy

Alaharo ao amin'ny RadioVazoGasy

Sokajy