Moa ve? (Mahaleo)

(Nalaina tao amin'ny tononkira.serasera.org)
Moa ve diso ny tary,
raha somary mandraiky marary?
Sendra tafara-dia aho,
ka raiki-pitia tamin'indry eh

Tsy hitahita akory,
Tafaraka natory
Nanjary sahisahy,
Tsy niahiahy niteny hoe:

Andao mody atao hoe
Tia ahy ianao, tia ahy ianao
Andao lazaina hoe
Mpifankatia izaho sy indry

Na vetivety monja,
Vetivety fa mafonja
Fitia tsy noterena,
Fitiavana tena nomena

Eny, diso aho angamba,
tsy nihambahamba, nanary lamba
Diso, tia tafahoatra,
ka nisendaotra, sy nanararaotra

Vao sambany nitia aho,
Ka tena very dia aho,
Toy ny adaladala,
Nifikitra, tsy nety niala

Tantara navalon'ny taona,
Ka tsarotsaroana rehefa mihaona
Tantara ny hatanorana,
Tsy maintsy mitana, tsy azo fafàna

Nitsiry avy ao am-po,
Nandrombona tokoa,
Nanenika ny tany,
Tsy voafetra anefa izany,

Andao mody atao hoe
Tia ahy ianao, tia ahy ianao
Andao lazaina hoe
Mpifankatia izaho sy indry
--------
Rohy:
Hametraka hevitra
Midira aloha
Momba ny hira
Mpihira : Mahaleo
Vangy : 6367
Mpankafy : 0 Ankafizo
Nampiditra : gongs
Daty : 21/03/2013 13:32
© serasera.org 1999 - 2024 - page load 0.2808