Zaza tonga taona (Lolo sy ny tariny)

(Nalaina tao amin'ny tononkira.serasera.org)
Tsaroany toa mangina
Ny hefi-trano
Lasa ny vorona tina
Lasa nihita rano


Zanaka nizakany mangidy
Sady tsy foiny tokoa
Nefa navela nifidy
Fa hitady ny soa


Ny sary sisa no manoloana
Saingy tsy miteny
Fa sary mando fa sary lena
Ranomason-dreny


Reny sendra zanaka
Tonga taona tampoka
Any fihononany (naha lehibe)2


Ny zava-piainany sisa
No manodidina eto
Fahatsiarovana toa mila kisa
Tonga tsy mihato


Io any izy mitazana foana
Mihaino voro-mikalo
Masony no manganohano
Manontany mpandalo


Moa va tamana ny zanako izay?
Izaho tsy mino
F’izy tsy mba nahafoy hatrizay
Tonga hanadino


Reny sendra zanaka
Tonga taona tampoka
Zary nanenenany (naha lehibe)2
--------
Rohy:
Hametraka hevitra
Midira aloha
Momba ny hira
Mpihira : Lolo sy ny tariny
Vangy : 3410
Mpankafy : 0 Ankafizo
Nampiditra :
Daty : 14/03/2002 17:57
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.3326