FIHAVANANA (Lola (lahy))

FIHAVANANA
Ny fari-piainana tsy voatery hitovy
Mety ho ambany f’izao no tsarovy
Hajao ny zoky na manana na ory
F’aza manaiky asavoanan’ny vola

Zava-dehibe ny fananan-karena
Indrindra indrindra raha misy fahendrena
Apetraho amin’ny toerany ny Ray aman-dreny
Fa tsy izay rehetra manam-bola no ekena

Réf
Ny zoky dia zoky hatrany
Ny zandry dia zandry ihany
Na be voninahitra aza izay tadidio
Ny vola sy harena tsy natao hanamboniana tena
Fihavanana jerena

Izao koa no tsarovy ary tadidio
Tsy hay tsy hay ny ampitso tsy ohatran’ny anio
Mifankatiava isika namako ô
Fifanajana ihany havako ô !

Manetre tena maninona moa
Fa ny saintsika mihitsy no efa voa
Izay manetry tena no hasandratra
Izay no andeha hatao filamatra
--------