Iny làlana iny (Kelly Rajerison)

(Nalaina tao amin'ny tononkira.serasera.org)
Raha mandeha amin'iny làlana iny ianao
Misy trano ao aloha kely ao
Izay falehanay tamin'ny taona
Enimpolo tany ho any
Rehefa tonga ny andro
Tsy nianaranay.

Hira sy mozika
Indray no nampiray anay
Efa ela no nilaozanay
Ireo kilalao kely fahizay
Fijery vaovao indray
Izay niainga avy any
Avy any andrefana any.

No nampita
Tamin'ireo tanora eran-tany
Teny telo filamatra
Izay tsotra ihany
Fandriampahalemana, Fitiavana sy Mozika
Dia ho nofinofy ihany
Izany eritreritra izany
Niserana nandalo.

Misy anefa ny fotoana izay mba nifaliana
Misy koa ny fotoana izay anonofiana
Misy anefa indrisy ny itomaniana
Tsy ho afaka amin'izany
Raha mbola eto an-tany.

Raha mandeha amin'iny làlana iny ianao
Misy trano ao aloha kely ao
Izay honenana rahatrizay
Hiala ety an-tany
Rehefa tonga ny andro
Fiantsoana amin'izany.


Tonony sy feony : Kelly Rajerison.
--------
Rohy:
Hametraka hevitra
Midira aloha
Momba ny hira
Mpihira : Kelly Rajerison
Vangy : 2469
Mpankafy : 0 Ankafizo
Nampiditra : ikalamako
Daty : 02/11/2013 00:16
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.1513