O aza tsiahivina (Justin RAJORO)

O aza tsiahivina ny andro taloha;
ny fotaka mandry,aoka re mba tsy hifoha.
Na inona sento iantsoana ny tody,
ny rano efa raraka dia tsy mba hifody.

Ny nenina anie tsy mahavoatra ny rava;
vao mainka mitàna ny ngidin'ny vava.
Ataovy avo sasaka re ny alahelo;
toneo ny fo na dia mamelovelo.

Ny lasa tsy akory tsy odin'ny fery,
vao mainka mikiky toa rano mahery.
Ny fanadinoana no aoka antsoina,
ny fanadinoana no aoka antsoina,
ary koa tsy ho mafy manindry ny voina...
--------