ADALA ETO AN-TANY (Jordana sy Zoara ( G.A.E ))

Esoina ho malemy;
Lazaina fa osa.
Izaho hono tsy ampy hery;
Izaho hono kanosa.
Lazaina fa adala;
Jamba tsy mahita.
Izy hono tsy mahalala
Izay Andriamanitra tsy hita.

Mirehareha, fa izy no tompon'ny harena
Mihebohebo,fa hoe tompon'ny fahendrena

O! tsy te hahalala ny ampitso sy ny ho aviny
Mifidy sahady ny helo; ka ny Tompo ny laviny

Na verezina zo;
Nahilika indraindray.
Sambatra aho fa miankin-doha
Amin'ilay Mpiaro ahy.
Lazaina fa adala;
Jamba tsy mahita.
Ampy ahy ny mahalala
Fa Jeso no Paradisa.

Hay ve ka hery;
Ilay nolazaina ho "halemena".
Ny "adalana";
Hay ve ka tena fahendrena.

Satria amiko; ato amiko fiainako ny Ray
Ka ny eso sy ny latsa; vao lova tsara ho ahy.

Satroboninahitra ho ahy ny fahendreko;
Satria manana ny Tompo aho; Ilay tanjako sy hareko.
--------