Dadabe (Jeneraly)

(Nalaina tao amin'ny tononkira.serasera.org)
Tantara iray ndray alina izay
Teny amin’ny toeram-pilalaovana anankiray
No nahatazanako tsy nahy
An’i dadabeanay
Vehivavy iray mihanahana
Efa godraky ny hadalana
No misakambina azy
Tena nigagana
Fahotany ve izany sa tsia ?
Raha toa miverina indray i dada mba hanao fitia
Nenibe any an-tanana tsy mahalala izany hadalana
Mihevitra fa eny amin’ny diavolana izy
No mitantara angano sy milalao amin’ny ankizy
Tara i Nenibe, diso i Nenibe
Dadabe am’zany mba miezaka ihany an, an !
Mba manararaotra farany
Manohy ny tantarany
Na izaho aza mba menatra
Nefa miezaka ny hamantatra
Miezaka ny hamantatra ny fiainan’ireo lahiantitra

Nony afaka adin’ny iray
Dia indro i Dada fa andeha hody am’zay
Ny fandehany toa mivembena
Ny tarehany feno lokomena
Taitra i Nenibe dia nihoraka
Nahita sotrobe dia nitoraka
Taitra i Nenibe, nisafoaka i Nenibe
Dadabe am’zany efa bilabila ihany an, an !
Nojerena ny pôketra, tsy tao ny vola rehetra e !
Teo vao nipetraka ny fanontaniana,
Nankaiza ny firotsaka ?
Nozaraina sa nariana ?
Ny valiny nomen’i Dadabe dia
Sady nozaraina no nariana !
Ary mbola nampiany tamin’ny hoe
Sady nozaraina no nariana !
Ary nofaranany tamin’ny hoe
Sady nozaraina no nariana !

Nony afaka adin’ny iray
Dia indro i Dada fa andeha hody am’zay
Ny fandehany toa mivembena
Ny tarehany feno lokomena
Taitra i Nenibe dia nihoraka
Nahita sotrobe dia nitoraka
Taitra i Nenibe, nisafoaka i Nenibe
Dadabe am’zany efa bilabila ihany an, an !
Nojerena ny pôketra, tsy tao ny vola rehetra e !
Teo vao nipetraka ny fanontaniana,
Nankaiza ny vola aman-karena ?
Nozaraina sa nariana ?
Ny valiny nomen’i Dadabe dia
Sady nozaraina no nariana !
Ary mbola nampiany tamin’ny hoe
Sady nozaraina no nariana !
Ary nofaranany tamin’ny hoe
Sady nozaraina no nariana !
--------
Rohy:
Hametraka hevitra
Midira aloha
Momba ny hira
Mpihira : Jeneraly
Vangy : 16884
Mpankafy : 0 Ankafizo
Nampiditra : Iketaka
Daty : 15/03/2003 14:49
© serasera.org 1999 - 2024 - page load 0.0111