Orana (Iraimbilanja)

Dimy volana tsy nilatsaka ny orana
Sadaikatra ny maro sao tonga ny mosary
Nifampitaona ny tantsaha sy ny fokonolona
Hangataka tsodrano sao tsy hamokatra

O! O! O!
Inona no nahatonga izany
O! O! O!
Sao mba nisy hadalana tany ho any

Tsy tonga ny orana
Mandady ny kere
Tsy nisy ny orana
Malaina ny angady

Andro fahavartra fa tsy hoe ririnina
Namidy avokoa ny akoho sy vorona
Efa nalefa hatramin’ny tanin’anana
Zanahary o! ampio fa mijaly

O! O! O!
Doro tanety sy voly an-tavy
O! O! O!
Tsy mety e! manimba ny tany

Tonga ilay andro, vory ny manodidina
Omby mazava loha nasesy avy any am-bala
Nalefa ny kabary sy ny fomba amam-panao
Novonoina ny omby, hanomboka ny lanonana

O! O! O!
Kotaba sy korana ny ao an-tanana
O! O! O!
Nisy rahona ny habakabaka

Tonga ny orana
Lasa ny mosary
Latsaka ny orana
Nivoaka indray ny angady
--------