RIVO-BAOVAO (I S A L O)

(Nalaina tao amin'ny tononkira.serasera.org)
Moa isika ve adala?
No tsy mba afaka hiala
Amin’ny fitiavan-tena
Izay toetra mahonena
Ka nahoana raha arindra
Sy ovay ny famindra
Ahitan izay ho atao
Dieny izao !

Ny adin-tsaina sy taraina
Efa mila handreraka aina
Noho izany dia ny mamy
No aoka asolo ny tomany. . .
Fa azon-tsika atao
Ny hiova RIVO-BAOVAO
Ka ireo andro izay nanjombon-dava
Dia hisava !

Ka ireo olana nitranga
Ireo lesoka sy banga
Misy tsara ho fenoina
Misy tokony ho adinoina
Koa tsy aleo ve mifanakaiky ?
Izay diso dia mba miaiky
Fa izany no hanatsara
Ny atsy afara !

Ref

Satria sarotra tokoa
Ny mifankahazo am-po
Raha toa ka tsy ny olon-droa
No samy vonona hankato
Ka ny ho avy no atsaraina
Ny adiady tsy ilaina
Samy hanonitra izay vita
Dia ho tafita !

Groupe ISALO
(032 04 17 770)
--------
Rohy:
Hametraka hevitra
Midira aloha
Momba ny hira
Mpihira : I S A L O
Vangy : 1663
Mpankafy : 0 Ankafizo
Nampiditra :
Daty : 15/02/2002 06:10
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0784