VELOMA, MAHITÀ FAHASAMBARANA (Henri Ratsimbazafy)

Mpihira : Henri Ratsimbazafy
Mpamaky : 2142
Nampidirin'i : Naly Randria
Tamin'ny : 06/11/2003 17:39:44
ID : 2088

Veloma, mahità fahasambarana
Veloma, hitanao ny varavarana,
      aza mierika akory
      fa ny lalanao no zory !

Raha misaraka hono mantsy anie mazàna
misy ranomaso kely izay tsy tana,
koa azafady raha handeha ianao faingàna
mba tsy ho fendrofendro no ialàna.

Veloma, aza lany andro mialatsiny,
Veloma, aza tanisaina ny fahiny,
       aoka tsy ny amiko no ahiana
       f’izay mahasoa anao kajiana !

Eo ianao no miankanakana
      toa matahotra
izaho anie ka tsy misakana
       aza miahotra,
Aza asiana teny lava,
       aza amboarina
f’efa fantatrao mazava
    anie ny marina :


      samy tia
      efa vonona
      ianareo
      â€™zaho aty
      efa mionona
      tsy toreo.

         Henri RATSIMBAZAFY
                       1976