Sarotra tiavina (Henri Ratsimbazafy)

Mba hafahafa ihany
ny eto an-tany,
tsy hita izay atao
mila hankalao.

Nalefanao aho nankaroa,
dia indro aho fa nankatoa
natosikao aho nankaty,
dia lasana aho nandeha fa tia.

’Zay rehetra sitrakao
raha mbola azoko natao
dia nataoko avokoa
nefa ianao tsy afa-po

Fony aho mbola tia
ianao eroa manao hoe : tsia
Nony indray aho tsy niraika
dia gaga indray ianao ka maika

Koa dia asakasakao
’zay sodokam-baovao
mamy ny atsy fy ny aroa
kanjo ianao indray no voa


Ref.
Fa sarotra tiavina
hatonina miavona,
tsy hita raha tadiavina
toa aloka ianao.

Fa nony andosirana
manenjika, sahirana,
tsy misy idivirana
toa aloka ianao.

Henri RATSIMBAZAFY 1968
--------