Rehefa tia (Henri Ratsimbazafy)

Endrey ny hafaliana
raha toa ka ny tia
no sendra ny tiana
ka tafara-dia.

Toa miova avokoa izao rehetra izao,
ny fiainana aza manjary vaovao.

Tsikitsiky lalandava
no mameno izany tava
REHEFA TIA

kalom-pifaliana no hiraina
ilay tiana foana
no ao an-tsaina
fy sy mamy ery ny miaina
REHEFA TIA

Lasa nofy sy vinany,
toy ny tsy ety an-tany
REHEFA TIA

Kanefa eto an-tany
tsy misy doria
misy fiarafany
na dia ny fitia
Koa tsy mahagaga ra ny fitiavanao
no nangatsiaka sy maty toa izao

Vonona ny hitomany
ka mandefitra hatrany
REHEFA TIA.

Na tsy laitrako aza ny mitalaho,
na tsy zakako aza ny hiangavy anao,
atao ahoana moa, tsy maintsy atao
REHEFA TIA!

Na ny ratsy na ny tsara
dia ekena ho anjara
REHEFA TIA


Henri RATSIMBAZAFY 1969
--------