Kanefa... larivo (Henri Ratsimbazafy)

(Nalaina tao amin'ny tononkira.serasera.org)
Ny meva dia misy dia misy,
ny fatratra be ihany koa,
na London na i Parisy
dia maha-te ho tia avokoa.


Ekeko fa tena malaza
New-York ary koa Chicago
ary maro koa ny milaza
hoe fatratra i Mexico.


Ny ngeza sy manan-tantara,
Pekin, Hong Kong, Shangai-,
ny kely kanefa koa tsara
toa an-dry Tahiti sy Hawai
.

ry Naples, Roma, Venizy,
ry Vienne ary koa Moskoa
dia indraindraina izaitsizy
lazaina ho tsy hita noanoa.


Jerena ny ery Besarety,
Ampandrana, Ambanidia,
ny làlana ety dia ety,
ny trano efa tonta ery


aleha indray Mandialaza
tsy hafa fa to-izany koa
Isotry dia he ratsy laza
tsy lùta izay tena soa.

Ref. :

Kanefa ianao ry larivo
Tanana nipoiran’ny aiko
no iray ao anatin’ny arivo
mambabo ny fo sy ny saiko.


Henri RATSIMBAZAFY 1965
--------
Rohy:
Hametraka hevitra
Midira aloha
Momba ny hira
Mpihira : Henri Ratsimbazafy
Vangy : 2584
Mpankafy : 0 Ankafizo
Nampiditra :
Daty : 22/02/2002 00:55
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.3714