Isaorako anao (Henri Ratsimbazafy)

Ny mafy niaraha-nandresy,
ny ratsy sy soa nifanesy,
ny andro nifalifaliana,
ny ora nitositosiana
ny fiainana izay nitambarana,
ny harena izay nisasarana,
ny ankizy niaraha-nikolo,
bilangina donga daholo,


Ny toky nomenao ahy
kanefa tsy notanterahana,
niova nanjary ahiahy,
nitondra tsy fifanarahana,
Ireo laingalainga madinika,
Ireo teny tsy voadinika
Irony familafilana
Arahana latsa mazàna,

Ref. :
Isaorako anao
ireny rehetra ireny
sy ny hafa tsy voateny
Isaorako anao.


Henri RATSIMBAZAFY
1972
--------