Hay va re! (Henri Ratsimbazafy)

(Nalaina tao amin'ny tononkira.serasera.org)
’Zaho jambam-pitia
nahare : "matokia"
tsy nanahy, tonga dia
tena tia !

Sambatsambatra ery
fa nentanim-pitia
ka nikalo, nandihy,
faly ery

Nantenaiko fa hoe
ny mandefitra anie
mampiray ny fo
be kokoa

noheveriko fa
zava-masina ka
fato-maty ho doria
ny fitia


Ref.
HAY VA RE ny sentosento
tsy maneho ny ati-fo
feno fitaka ny eto
mahagaga tokoa

HAY VA RE ny tomany
teny amin’ny endrikao
dona-tsetroka ihany
tsy tonga tam’izao.

HAY VA RE ka mety lany
’rony tsiron’ny fitia,
miovaova ny eto an-tany
tsy misy ny doria.



Henri RATSIMBAZAFY 1967
--------
Rohy:
Hametraka hevitra
Midira aloha
Momba ny hira
Mpihira : Henri Ratsimbazafy
Vangy : 2428
Mpankafy : 1 Ankafizo
Nampiditra :
Daty : 22/02/2002 00:24
Hihaino

Mbola tsy nisy nampiditra hira

Hampiditra
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0743