Bobongolo ilay fitia (Henri Ratsimbazafy)

Ref.: Voatahiry ela loatra
tao am-poko ilay fitia
ka tsy afaka nanoatra
fa nihiboka doria.
Voarakotry ny ela
ka lomorina satria
tsisy rivotra tavela
BOBONGOLO ILAY FITIA.


Fony aho mbola tia
dia niangavy anao hatrany,
nefa ianao dia ninia
tsy ahafantatra izany.

Gaga aho ankehitiny
raha nanjary hoe tianao,
aoka anefa ialako tsiny
diso aoriana loatra ianao!

Ref...

Toy ny afo ny fitia
ka mirehitra ao anaty,
raha voasorona izy dia
velona tsy mety maty.

Ny ahy kosa ho’aho re roy
tsy mba nikarakara,
hany izy ka nafoy,
nangatsiaka toa antara.
--------