SOAFARA (Mahaleo)

(Nalaina tao amin'ny tononkira.serasera.org)
Ny tranokelintsika izao toa zary haolo,
Zary mangatsiaka, mangina daholo...
Ny maty masoandro toa tsy manan-doko,
Mihamainty isan’andro ny lokon’ny foko...
Soafara ô! mamirifiry
Ny alina tsy anilanao
Soafara ô! maso midiridiry
No iandrasako maraina vao!

Ny biby ato an’ala mihira, mahalala,
Toa misalasala, mihira mivalana,
Izay rehetra jereko toa maizina avokoa,
Mitsetra ny fahareseko ka mitanondri-doha...
Soafara ô! ny Tompo angamba
No ho faly handray anao,
Soafara ô! ny Tompo no ravo
Handray ny nijaly sy mavomavo.

Iraka tokoa ianao hitondra fitia
Ka voatery nandao fa nahavita adidy;
Iny lanitra iny no fonenanao
F’ao fasam-bahiny no misy ny sisa tavela
Hho fahatsiarovako anao!
Soafara ô! matokia,
Fa ny Tompo anie anilanao!
Soafara ô! matoria
Fa ny Tompo anie handrotsirotsy anao!

Dadah
--------
Rohy:
Hametraka hevitra
Midira aloha
Momba ny hira
Mpihira : Mahaleo
Vangy : 3179
Mpankafy : 1 Ankafizo
Nampiditra : Ryana
Daty : 07/06/2003 09:20
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0119