Mba hiantefa (Bessa)

Mba te hiantefa ao amponao
Zao vetsovetsompoko rehetra izao
Mba te hikiky zay ratra tao
Ny fitiavako nandao anao

Tsaroako anefa fa nofy ihany
Fa fitiavana efa ritra na tsy nisy
Nianjonanao ‘ty fo tomany
Masoandro vao nitranga teo dia dify

Fanantenana am-pitsiriana
Ny haniriany aza tany maina
Taratra eso tsy foy ariana
Hamelana izy hiotazako

Mba te ho maina ireo maso mando
Toloranao fitiavana indray
Mba te ho tony eny isan’andro
Hianoka fitia mandrakizay

Tsaroako anefa fa mafy izany
Tsy ho ketraka aho fa hanantena anao hatrany
Izay milefa dia aleo ho any
Na sarotra aza manantena ihany
--------