Hisaoranay (Bessa)

(Nalaina tao amin'ny tononkira.serasera.org)
Izay hinoako ho fahasoavana
Nokatsahiko hatrizay
Ny fahasambarana notadiaviko
Ny bitsiky ny foko ao
Ny tsiky iainan’ny fisiako
Ny hehy irian’ny fifaliako
Nomenao ahy daholo izany
Tamin’ny androm-pahoriako.

Fiv :
Hisaoranay ianao
Andriamanitra Tsitoha
Ny fanahinay izao
Injao miainga, tafafoha
Ny talenta avy Aminao
Mipololotra tsisy fetra
Hisaoranay ny Anaranao
Amin’ny andronay rehetra.

Misy namana nitsabo
Nositraninao fony narary
Nampiononinao teny am-pamohizana
Sy tamin’ny ora nampijaly
Nomenao saina mahay mitraka
Tamin’ny fotoan’ady
Ny fitiavanao nandresy
Tsy mba folaka angady.

Voa tsinampy kely ihany
Ny finoana izay ananako
Nefa dia ho ezahiko mba hitombo
Izany ary ho tanako
Izaho izay, ilay manantena
Omenao valiny tokoa
Amin’izay fiainako ho avy
Matoky Anao aho ao am-po.
--------
Rohy:
Hametraka hevitra
Midira aloha
Momba ny hira
Mpihira : Bessa
Vangy : 17606
Mpankafy : 4 Ankafizo
Nampiditra : pissoa
Daty : 25/02/2007 20:39
Tondrom-peo

Mbola tsisy nampiditra tondrom-peo

Hampiditra
© serasera.org 1999 - 2024 - page load 0.0316