TSY VOANKAZO AN'ALA (Barijaona)

Ny anatra hono tsy voankazo an’ala
Ka hisy mangidy tsy maintsy aloa
Fa tsipaky ny omby ka tena fandala
Satria mahafaty raha toa mahavoa

Ny anatra anie toy ny tady hatsipy
Ka samy voasingotr’ireny ny miaina
Ny adala mihifika sady mikipy
Ny hendry mandalina sady misaina

Ny anatra hono fanao ala-nenina
Ka harangaranga sy tsy hafinafenina
Ny hanongotsongoina ny maty ho taitra
Ny mandevim-belona mantsy tsy laitra
--------