ATAOKO AHOANA (Antoko-mpihira Haniry ny Lanitra)

1-Ataoko ahoana moa ry Tompo be fitia
Ny hitanisa ireo soa efa vitanao
Tsy mendrika aho diso satria
Efa ninia nanidy ny foko tsy hidiranao
Ny halotoako rehetra efa fantatrao
Ny tsy finoako hatrizay efa hitanao
Kanefa Ianao nilaza tamiko hoe
Manantona, manantona
Koa indro aho efa mino fa nandre
Tsy mendrika aho kanefa indro manoina

2-Ataoko ahoana moa ry Rain’ny famonjena
Ny hitantara ireo herim-pitiavanao
Tsy mendrika aho nefa nekenao
Mba ho anisa’ireo antsoina hoe malalanao
Toa fahazarako ny miafina ny endrikao
Zary fiainako ny ota tsy sitrakao
Kanefa Ianao nilaza tamiko hoe
Manantona, manantona
Koa indro aho efa mino fa nandre
Tsy mendrika aho kanefa indro manoina
--------