Mbola ho avy ny andro (Aina Quach & Erick Manana)

Mbola ho avy ny andro ahatsiarovanao ahy,
Amin’ny ora tsy ampoizimpozina,
Mbola ho avy ny andro hampahory ny fanahy,
Hanembona ahy ianao ka hiodinkodina,

Mbola ho avy ê ! irony nenina ê !
Hitsako ny hadalàna, hangidy izay telina ê !
Mbola ho avy ê, hangirifiry be,
Efa tsinjoko hatraty sahady fa ho ranomaso be,

Mbola ho avy ny andro hanakoako an-tsofinao,
Ireo dinantsika izay nosehinao,
Mbola ho avy ny andro hivatsy ny famerim-bolanao,
Hohitanao eo ihany izany ngidiny à !

Mbola ho avy ê tsaroako tsara anie
Fony aho nilaozanao anie ka nahatsiaro fanina ê
Mbola ho avy ê, tsy ho ela akory anie
Mbola higoka ianao ny ngidin’ny ranomaso nateliko ê.
--------