Jiolahim-boto mitomany (Agrad)

Raha misy ny olon-kendry
Zah mendrika atao ohatra
Fakam-panahy impiry no mikendry
Zah miezaka nanohitra
Ny fahatsoram-poko mihitsy
No ninianao nararaotina
Fitaka ilay fitsikinao
Ilay fihetsikao izay mody maotina
Raha firavaka ny fitia
Omeko anao ny volamena
Tia anao tamin'ny fo madio aho
Tsy mba nijery kilema
Nefa tsy nasianao dikany
Ianao sodoka tamin'ny volany
Ny fiakanjony sy ny bikany
Nefa tsy hainao akory ny dintany

Fa.... malahelo anao
Fa tsy hay ny atao
Mbola ho tsaroanao indray andro any
Hoe zah navelanao hitomany
No mety aminao fa tsy izy
No mety aminao fa tsy izy
Mbola ho tsapanao
Mbola ho tsapanao

Fa mamy koa ny akondro
Fa voninahitra ho an'ny tantely
Taminao ny foko no nitodika
Fa ny tsara tsy anao irery
Mirary soa aho
Iriako ho tokantrano lafatra
Raha mifanohitra amin'izay
Dia izao ny ahy no mba hafatra
Hoe gorodona ve ny somisika
Amin'izay ianao no migorisa
Tsy tiana akory fa misisika
Anjaranao ny sisa
Adinonao hoe ny tsara tsy lany
Fa ny tena tsara dia
Ny manaja ny eo an-tanana ihany

Malahelo anao
Fa tsy hay ny atao
Mbola ho tsaroanao indray andro any
Hoe zah navelanao hitomany
No mety aminao fa tsy izy
No mety aminao fa tsy izy
Mbola ho tsapanao
Mbola ho tsapanao

Ianao androany ange ilainy
Satria mbola matsiro
Fa rahampitso voan'ilay hoe
Ity koa tsisy tsiro
Dia amin'izay vao hahatadidy
Hoe any izay ilay olona
Nampitondrako mangidy
Fa tsisy bandy ratsy izany akia
Fa ianao no diso safidy
Zah ilay tsy manan-tsiny
Nampahorianao tanteraka
Mitomany mahatsiaro ny fahiny
Toy ny zaza vao teraka
Fa tsarovy
Fa mbola ho tsapanao indray andro
Hoe ny fitiavanay tsy mitovy
Ny ahy lamban'akoho
Ny azy ohatra ny akanjo
Izay tonta dia soloina
Fa tia miampitampita ianao
Ka tsy maintsy ho voadona
Fa zah tsy any intsony
Raha toa ka ho avy ny andro
Ianao handondona hifona

Fa mbola ho tsaroanao indray andro any
Hoe zah navelanao hitomany
No mety aminao fa tsy izy
Mbola ho tsapanao
Mbola ho tsapanao
--------