Masoandro Hafa (Agrad sy Skaiz)

Couplet: Agrad
Tadidiko tamin'zany,
lavitra anao zany alahelo, lavitra anao zany tomany!
Fitiavana fa paradisa, nanjakan'ny fifaliana, tsy nisy izany disadisa!
Dia niray tsikombakomba, nifankahalala ny mombamomba,
Samy vonona dia niroso natao hatriminy fombafomba!
Voalohany teny amin'ny alitara, faharoa tapa-kevitra ny hanamboatra dimby sy fara!
Dia sanatria, ny fisian'ilay zaza ve no lasa olana!
Fa toa tambitamby sy safosafo nandritry ny sivy volana!
Tsy niady tsy nifamaly, tampoka teo izy tapa-kevitra hamafa ny lasa omaly!
Ny zaza tsy manan-tsiny dia efa hisedra sahady ny onjam-piainana!
Fa ho kamboty velon-dray tsisy na Dada hitarainana!

Réfrain: Skaiz
Mbola manantena foana ah!
Androany aho aloh mety misaona ah!
Fa, ny ampitso masoandro hafa indray!
Natokana ho ahy!
Annn, annn.

Couplet: Agrad
Tsy misomonga io fiainana io, na hikimpina mbola hita!
Fa ny vehivavy matanjan-tsaina tsy manaiky raha tsy tafita!
Fony ianao nilaozany iny mijaly nampahonena,
Fa feno fahendrena, ka tsy nandeha nivaro-tena!
Sanatria nivarilavo tany amin'ny zava-mahadomelina
Henatra ho an'ny fianakaviana
Henatra ho an'ny mpiara-belona
Fa anatra ny lasa
Tsy malahelo lehilahy iray izany koa satria vehivavy miasa
Tsy manary toky izany koa satria nandia sekoly
Mivavaha ho azy fa mety tsy sitrapony iny fa devoly
Aza sokafana ho azy intsony ny fonao efa nikatona
Fa zara aza ilay andro maloka teo mba efa takona

Réfrain: Skaiz
Mbola manantena foana ah!
Androany aho aloh mety misaona ah!
Fa ny ampitso masoandro hafa indray!
Natokana ho ahy!
Annn,annn.

Yô, ny anambadian-kiadanana
Tokatrano feno ranomaso aleo ihany tsy manana
Tsara mifampitso-drano fa mety tsy mifanambina
Aleo izy handeha fa ny anjarany efa miambina
Adala ny olom-belona tsy tia ny zanany!
Zava-poana ny trano sy harena raha izany no tsy ananany
Ireo tsy niteraka aza tsy fidiny, tsy afa-manoatra
Nomeny lamosina ny adidiny fa mahaiza foana misaotra

Réfrain: Skaiz
Mbola manantena foana ah!
Androany aho aloh mety misaona ah!
Fa ny ampitso masoandro hafa indray!
Natokana ho ahy!
Annn, annn.

Mbola manantena foana ah!
Androany aho aloh mety misaona ah!
Fa ny ampitso masoandro hafa indray!
Natokana ho ahy!
Annn, annn.
--------